Հայկ Եգանյանը ստանձնել է Հայաստանի ֆոնդային բորսայի գլխավոր տնօրենի պաշտոնը 2017թ.-ի հուլիսի 19-ին:

Աշխատանքային գործունեությունը սկսել է 2006թ.-ին որպես «Գազպրոմ Արմենիա» ՓԲԸ-ի Տնտեսական անվտանգության բաժնի մասնագետ, այնուհետև 2007-2010թթ․ ստեղծել ու ղեկավարել է Արժեթղթերով գործառույթների վարչությունը՝ համակարգելով առաջնային հրապարակային առաջարկի նախապատրաստական աշխատանքները, որի շրջանակում կազմակերպել է Հայաստանում առաջին հանրային պարտատոմսերի թողարկումն ու տեղաբաշխումը։

2010-2013թթ.-ին Հայկ Եգանյանն աշխատել է Լոնդոնում մասնավոր բանկային ծառայությունների ոլորտում և զուգահեռաբար հանդիսացել է Մեծ Բրիտանիայում ՀՀ Կենտրոնական բանկի խորհրդատու` կենսաթոշակային բարեփոխումների հետ կապված միջազգային կառավարիչների գործարար հարաբերությունների զարգացման գծով: Շարունակելով խորհրդատվական գործունեությունը՝ 2013-2016թթ. եղել է ՀՀ Կենտրոնական բանկի Նախագահի խորհրդական, իսկ 2016-2017 թթ.-ին եղել է ՆԱՍԴԱՔ ՕԷՄԷՔՍ Արմենիա ԲԲԸ-ի դիտորդ խորհրդի անդամ:

Միջնակարգ կրթությունը ստացել է Կիպրոսի Մելքոնյան վարժարանում, այնուհետև ուսումը շարունակել է Մեծ Բրիտանիայի Լեսթերի համալսարանում` ստանալով ֆինանսական տնտեսագիտության բակալավրի աստիճան: Այնուհետև ստացել է բիզնեսի կառավարման մագիստրոսի կոչում Լոնդոնի Կայսերական քոլեջում (London Imperial College)։

Միքայել Հայրապետյանը աշխատում է Հայաստանի ֆոնդային բորսայում 2017 թվականից։ Մինչ այդ ղեկավար պաշտոններ է ստանձնել միջազգային աուդիտի և խորհրդատվական ընկերություններում՝ Կիպրոսի KPMG,  Baker Tilly Armenia կազմակերպություններում։ Նաև որպես խորհրդատու հանդես է եկել Ասիական զարգացման բանկի, Ameria Consulting և AARC Consultancy Limited-ի մի շարք միջազգային ծրագրերում։ Կրթությունը ստացել է Կիպրոսի Եվրոպական համալսարանում՝ բիզնես կառավարում, բանկային գործ և ֆինանսներ մասնագիտացմամբ։ Ունի ACCA անդամակցություն։

2019 թվականից Լևոն Մովսիսյանը միացել է AMX թիմին՝ որպես Շուկայական գործառնությունների և սպասարկման դեպարտամենտի ղեկավար, իսկ 2020թ․-ից նաև հանդիսանում է գլխավոր տնօրենի տեղակալ։ Նախկինում զբաղեցրել է ղեկավար պաշտոններ "Էյչ-Էս-Բի-Սի Բանկ" Հայաստան ՓԲԸ-ում, մասնավորապես որպես  Գլոբալ շուկաներում գործառնությունների ենթաբաժնի ղեկավար։ Շուրջ 5 տարի զբաղվել է նաև հասարակական ակտիվությամբ՝ մասնակցելով բազում միջազգային սեմինարների։

Ավարտել է Երևանի պետական համալսարանը և ՀՀ պետական կառավարման ակադեմիան։

2018 թվականից իրականացնում է Հայաստանի ֆոնդային բորսայի վերստուգողի պարտականությունները: Ֆինանսական ոլոտում ունի ավելի քան 26 տարվա աշխատանքային փորձ, մասնավորապես ՀՀ կենտրոնական բանկում, այդ թվում իրականացրել է Տեսչական վերահսկողության վարչության պետի գործառույթները, ինչպես նաև «ԷԿԼՕՖ ՈՒՎԿ» ՍՊԸ-ի, «Ջի ընդ Էյ» ՈՒՎԿ ՍՊԸ-ում, «Կամուրջ» ՈՒՎԿ» ՓԲԸ-ում, Պրոմեթեյ Բանկ ՍՊԸ-ում ղեկավարի պարատականությունները։ Նաև 1998 թվականից զբաղվում է դասախոսական գործունեությամբ, իսկ 2010 թվականից դասավանդում է ՀՊՏՀ-ում։

Վահանը հանդիսանում է տնտեսագիտության թեկնածու /տ.գ.թ./, դոցենտ։  Ավարտել է Երևանի պոլիտեխնիկական ինստիտուտը, ՀՀ Ազգային Ակադեմիայի տնտեսագիտական ինստիտուտը։  

Ելենա Մելիք-Քարամովան բորսայի գլխավոր հաշվապահն է 2004թ.-ից: Նա պատասխանատու է Հայաստանի ֆոնդային բորսայի ընկերության ֆինանսներին և հաշվապահական հաշվառմանը վերաբերող բոլոր հարցերի, այդ թվում` բյուջեի կազմման, ֆինանսական վերահսկողության և հաշվետվական գործընթացի կազմակերպման համար:

Տիկին Մելիք-Քարամովան ունի գլխավոր հաշվապահի և ֆինանսական ծառայության ղեկավարի պաշտոնում տնտեսության տարբեր բնագավառում գործող ընկերություններում երկար տարիների աշխատանքային փորձ: